الأن نيوز| هروب الاعلامية سما أحمد من حفل زفافها وتؤكد ” معملتش كدا عشان اركب التريند”
الأن نيوز| هروب الاعلامية سما أحمد من حفل زفافها وتؤكد ” معملتش كدا عشان اركب التريند”
تصدر اسم سما احمد وهي اعلامية باحدي القنوات الفضائية الخاصة منصات التواصل الاجتماعي وذلك بعد
تركها لحفل زفافها لحظة عقد القران؛ وتؤكد انها لم تعرف العريس معرفة جيدة وانها فعلت ذلك من اجل والدتها
التي تلازم فراش المرض وحالتها الصحية في تدهور مستمر
سما احمد تروي أصل الحكاية
في مقطع فيديو نشرته عبر YouTube قالت سما أحمد إنها لم تهرب من زفافها مطلقا مضيفة “والدتي تعبانة
من فترة وجاتلها جلطة، والستات المصرية لما بيتعبوا بيحبوا يطمنوا على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة” واستكملت في 10 أيام اتفقوا هنكتب الكتاب ونجيب الفستان ولقيت نفسي بتجوز وأنا ماتكلمتش معاه ساعتين على بعض.. أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتدهور”واوضحت “أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة، أنا آسفة أنا مش قادرة أكمل”.
