الأن نيوز| محمود سعد بين الهجوم والتعاطف والسبب قسوة والده

الأن نيوز| محمود سعد بين الهجوم والتعاطف والسبب قسوة والده

لأول مرة يتصدر الاعلامي محمود سعد محركات البحث بأمر خارج النطاق الاعلامي والمهني؛ كما تعود دائما

الجمهور؛ حيث دائما يرتبط اسم محمود سعد باعماله الادبية والصحفية فقط؛ ولكن يعيش سعد منذ انطلاق

برنامجه الخاص عبر قناته باليوتيوب بشئ من الحميمة الدائمة بينه وبين متابعيه حيث دائما يأخذ برنامجه

طابع ” النوستاليجا” والحنين الي الماضي؛ ويحرص دائما علي سرد مواقف ايجابية واشياء وصفها بالمعجزات

علي مدار مشوار حياته ولكن كانت المفاجاة ؛ كشف سعد عن  حقيقة علاقته بوالده والتي وصفها بالهجر

والغدر والقسا

ماذا قال محمود سعد عن والده الراحل

قال محمود سعد”يوم ما انتقل والدي إلى جوار الله، كنت بقول إني مش هزعل لأن بيني وبينه كثير من هجر

وغدر وجرح في قلب، بيني وبينه طريق وفراق وطريق هو اللي بداه، والدتي فضلت 27 سنة تربي في 4

عيال، مهتمتش ولا استمتعت بحياتها، أسرتها كانت عادية، لكن ربنا ساعدها. لما والدي توفى كنت في

مكتبي، والدتي بلغتني وطلبت مني أروح له بسرعة، وبالفعل، سيبت الشغل ونزلت، والدي كان موصي

أخويا الكبير قبل ما يموت إنه يدّفن مع جدتي من أمي لأنه كان بيحبها جدًا، والدتي طلبت مني أنزّل نعي في

الجرنال، قولت لها الناس متعرفش إني ليا أب أصلا لكن أمي أصرت على إننا نعمل عزاء”وأضاف: لما والدي

توفى متأثرتش ولا كنت حاسس بحاجة، أنا حتى مش فاكر هو مات إمتى، لأن أبويا كان خالع نفسه من

حياتنا رغم إنه كان غني، ورغم إن تربية أمي نجحت ومطلعتش مجرم ولا صايع، لكن لغاية دلوقتي لما أسمع

حد بيتكلم عن أبوه بتضايق، ولما كبرت بقيت أقول أبويا قالي إيه أو إيه الذكرى اللي سابهالي ملقتش حاجة

وأكمل لكل أب مبيسألش على عياله، مراتك أنت وهي أحرار، لكن العيال هتكبر ومش هتنسى، هتفضل

تيجي سيرتك بشكل مش كويس، وإنك تسأل على عيالك دي مش رحمة ولا مودة منك.. دا واجب، إزاي

تصب غضبك من مراتك على عيالك؟