الأن نيوز| في عيد ميلاده… تامر حسني يوجه رسالة للمحبطين ” مرتبي كان 22 جنية واشتغلت في الفاعل”
الأن نيوز| في عيد ميلاده… تامر حسني يوجه رسالة للمحبطين ” مرتبي كان 22 جنية واشتغلت في الفاعل”
حرص تامر حسني علي دعم الاشخاص الذين يعانون من احباط واكتئاب اثناء مواجتهم الحياة؛ واستغل تامر
حسني يوم ميلاده ليكتب رسالة الي المحبطين من الحياة
تامر حسني يوجة رسالة الي متابعيه
وقال حسني “قرأت معظم التعليقات على قد ما قدرت على آخر بوست ليا، وفهمت أكتر حاجتين من
تعليقاتهم عاملين إحباط لمعظمكم: اليأس من النجاح، إحباط المقربين، وبعضكم واصل لفقدان الأمل
والشغف، وبعضكم فاقد الأمل في الحياة نفسها وتابع “هطلب طلب منكم قبل أي شيء افتكروا معاناتي في
بدايتي وظروفي الصعبة من غير أب ومن غير أي فلوس، وبنزل أشتغل في الشوارع من عامل بنزينه لسوبر
ماركت لفاعل، يعني اللي بيبنوا العمارات بطلع طوب وأسمنت عشان أرجع بيتي لأمي الغلبانة بأي خمسة
جنيه، بالإضافه لمرتب النادي لما كنت بلعب كوره كان مرتبي 22 جنيه في الشهر، منهم بقى تحويشة الميه
والكهربا، وعمليات أخويا عشان كان عيان لفترة كبيرة. كنت بعمل المستحيل فعلا عشان أمي وأخويا وعشان
أوصل لهدفي، كان جوايا سعي دائم لطريقين الكورة والغناء، وبقول دا عشان ناس كتير عايز أنصحها بالخطه
البديله عشان لو الحلم مجاش يكون في غيره، زي ما أنا كان نفسي أبقى لاعب كورة والكورة مش ليا
والأندية كلها مشوني، رغم تفوقي كنت بسأل نفسي ليه الابواب كلها بتتقفل في وشي، اتاريها بتتقف
ل عشان توجهني لمسار اخر، ولما امنت بكده فهمت قدام إن ربنا كان شايلي الأحسن ليا بس ساعتها
مكنتش فاهم، واللي بيسأل نفسه دلوقتي يعني أنا أكمل في حلمي ولا أشوف حلم تاني هقوله دايمًا
اطلب من ربنا يساعدك هتلاقي علامات بتجيلك بس الشاطر اللي يفهمها، علامات هتأكدلك تكمل أو لا،
بس اجتهد واتعب عشان المجهود دا ليه كرم متحوشلك في مجالك التاني، ف إوعى تقول تعبت عالفاضي
